Konferansa ku Kovara Dengê di 01ê Hezîrana 2024an li Diyarbekirê pêkanî bi baldariyek mezin hate pêşwazîkirin.
Konferansa li Otêl Demir ya Diyarbekirê pêkhatî bi axaftina Gerînendeyê
Giştî yê Kovara Dengê A.Mecîd Durmuş
despêkir. Di axaftina xwe ya vekirinê da A. Mecîd Durmuş behsê politikaya
weşangêriya Kovara Dengê ya di heqê meseleya Kurd û armanca li darxistina
konferansê kir. Behsê giringiya çawaniya arasteyê meseleya Kurd li dor buyer û
pêşhateyên van demen dawî li Rojhelata Navîn diqewimin û encamên hilbijartinên
31 ê Adarê li Tirkiyê pêk hatî kir.
Konferans bi sisê rûniştinan dom kir. Mijara rûniştina ewil Li Rojhelata Navîn Astên Nû Ku Meseleya Kurd Gehiştinê
bu. Di vê rûniştinê da Ji Zanîngeha
Kurdistan/Hewlêr Doç. Dr. Arzu Yılmaz, Berpirsê Bûroya Çapemenî û Ragihandina
PDK ê Dr. Salar Osman, Sekreterê Komîteya Navendî yê Partiya Komonîsta
Kurdistan Dr. Kawe Mehmûd wek axaftavan beşdar bun. Perlemantarê berê Sedat
Yurttaş Moderatoriya vê rûniştinê dikir. Di vê rûniştinê da avabuna hevsengiyên
nû li Rojhelata Navîn, Stratejiyên hêzên mezin yên navdewwletî li herêmê,
hevrikiyên dewletên herêmê, şerê Xezeyê û egerê vikişîna DYA ji navçeyê û
bandorên wê û ayîndeya Herêma Kurdistanê û serederiya kêşeyên hatinê pêş têr û
tijî hatin munaqeşekirin.
Seqayê Siyasî Yê Piştî Hilbijartinên 31ê Adarê û Bandorên
Wê Li Ser Çareseriya Meseleya Kurd
mijara rûniştina didu (2) yan bû. Dr. Cuma Çiçek, Dîrektorê Navenda Lêkolîna
Rawest, Roj Girasun, Dr. Mesut Yegen axaftvanên vê rûniştinê bûn. Perlemantarê
berê Necdet İpekyuz Moderatoriya vê rûniştinê dikir. Jibo siyaseta Kurd encamên
hilbijartinên 25 salî, encamên 31 ê
Adarê û karigeriyên wê li ser hewlên çareseriya meseleya Kurd û cihê ku di
meseleya Kurd da Tirkiye gehiştiyê hatin
behskirin.
Piştî navbera xwarinê
xilas buyi, rûniştina sisê (3) pêk hat. Mijara vê Runiştinê “Aqilê Siyasî Yê
Kurd, Peydakirina Rêyek Nû” bu.
Moderatoriya wê Mahmut Bozarslan dikir. Di vê rûniştina dawiyê da Serokê
Weqfa İsmail Beşikci ( İBV ) İbrahim Gurbuz, Nivîskar İsmail Beşikci û
Siyasetvan Mesûd Tek wek axaftvan beşdar bûn.
Di rûniştina dawiyê da babetên Qonaxa Di Pêvajoya Dîrokî ya
Têgehiştina Entelektûel/RewşenbîrÎ Ya Civaka Kurd Gehiştiyê û Bandora Wê Ya Li
Hişmendiya Netewî û Dîrokî, Paşeroja Meseleya Kurdistan û Kurd, Hewceyîya Şêweyê
Stratejiya ku Siyaseta Kurd Peyda Bike hatine munaqeşekirin.
Dawiya her rûniştinê beşdaran bi pirs û bersivên hatine
dayîn babet hatin dewlemend kirin.
Dawiya Konferansê Endamê Lijneya Nivîsan Bayram Bozyel, jibo
beşdarî û dewlemendkirina konferansê sipasiya hemî beşdaran kir. Jibo
pêşhateyên têne pêş ku hizrek hevpar peyda bikin giringiya platform û
konferansên hevşêwe diyar kir. Bozyel da zanîn ku ew dê lidor babetên
konferansê û munaqeşeyên hatine kirin encamnameyekê belav bikin.
Konferans bi beşdariyek mezin pêk hat. Ji Diyarbekir û
bajarên herêmê hejmarek berçav ya nûnerên Partiyên Siyasî, Saziyên Civaka
Sivîl, rêvebirên Komele û Odeyan, nivîskar, rojnamevan,rewşenbîr û kesayetiyên
politik beşdar bûn. Çapemeniya Kurd ji nêzîk ve “Konferansa Meseleya Kurd;
Çareseriyek Çawa” şopandin û bi weşanên zindî veguhastin û hevpeyvîn ligel
gotarvanan çêkirin.
Partiya Sosyalîst a Kurdistan © 2022
