Li ser Qetlîema Maraşê, ku bona kudutaya 12ê İlonê sala 1980ê
rê xweş kir, 43 sal derbas bûn.
Di 19 Berçîleya sala 1978’an da, li Maraşê hêzên nijadperest
û tundrewên olî êrîş kirin ser saziyên demokratîk yên vê demê, kesên demokrat û
şoreşger û ronakbîr.
Di heyama hefteyek da mal û ciyê karê yên Aleviyên Kurd
û demokrat û çep, li ber çavên hêzên asayişê ketin ber êrîşên nijadperestan,
hatin talan kirinê, şewitandin û ruxandınê.
Di encama êrîşê da, ku hefteyek berdewam bû, bêtirî 500
kes, ku piraniya wan Kurdên Alevî bûn hatin kuştin û bi sedan kesên dinê jî birindar
bûn, ku piraniya kuştî û birîndaran jin û zarok û pîrejin û pîremêr bûn. Lê
heya niha jî hêjmara kuştî û brindaran bı zelalî ne hatiye zanin û ragihandınê.
Berpirsê serekî ya qetlîema hanê, ku ji aliyê “dewleta
kur” da hatiye organîze kirin û li ber çavên “hêzên evlehiyê” hatiye ci be ci
kirinê, cîhanbinî û sistema dewleta Tirk e, ku armanc ji vê cîhanbiniyê Tirk û
Misluman kirina hemu kesan e, ku li Tirkiyê dijin.
Ji bona vê yêkê jî amadekar û encamderê Qetlîma Mareşê
heya niha nehatiye eşkere kirin û dadigeh kirinê. Dosyayên Qetliêma Maraşê di
labirentên Enqere winda bûye!
Ji ber van sedeman Marêş hêj birîndar e, xwîn jê tê.
Ji bona ku Qetliema Maraşê, amadekar û ci be ci karen vê
qetliema ne hatine destnişan û dadigeh kirinê, paş Maraşê, qetlîamên Madimak,
Taxa Qazî, Lîcê û Roboskî û hwd çêbûn, bi sedan kes hatine kuştin û birîndar
bûn, ku kiryarên wan jî hêşta ne diyar in!
Em di salvegera 43an da Qetlîema Marêşê, carekî dinê
mehkûm dikin û li ber hizura qurbanan qirnoş dibin.
20 Berçîle 2021
PSK- Partiya Sosyalîst a Kurdistan
Birêz Bayram Bozyel yê rêzdar Serokê Partiya Sosyalîst a Kurdistanî (PSK)
Birayê hêja yê rêzdar Mesûd Tek serokê berê yê Partiya Sosyalîst a Kurdistanî (PSK)
Birêz endamên Kongreya Sêyem, serkirdayetî, kadro û aligirên Partiya Sosyalîsta Kurdistanî (PSK) yên rêzdar
Piştî silav.
Bi helkefta lidarxistina serkeftina sêyemîn konferansa partiya we (PSK) bi navê Tevgera Çaksaziya Kurdî-Sûriye em bi dilxweşî pîrozbahî û pîrozbahiyên xwe yên germ pêşkeşê we dikin, bi hemu hêviyên serkeftinê erkên we yên têkoşînê heta ku daxwazên rewa gelê Kurd li Bakurê Kurdistanê bi cih werin.
Xwişk û birayên hêja
Lidarxistina konferansa partiya we di demekê da ye, ku gelê Kurd û doza wî li çar parçeyên Kurdistanê di rewşek gelek hestiyar û taqez da derbas dibe û ev tişta, ku divê hemû hêzên Kurdistanî bi hevra bikevin nava hewldan xebata hevbeş û hemahangiyê da. Ji bo rûbirû bûna keşêyen li pêşiya gelê me yê Kurd û doza wî li her perçeyekî, ku têda ye.
Di dawiyê da em ji we ra, piştrast û tekez dikin, ku hewla me ji bo danîn û pêşxistina baştirîn pêyvendiyên biratî di navbera her du partiyên bira Partiya Sosyalîst a Kurdistanî û Tevgera Çaksaziya Kurdî-Sûriye ji bo xizmeta doza Kurd û gelê Kurd.
Nivisingeha Cîbicîkar ya Tevgera Çaksaziya Kurdî-Sûriye
01.11.2022
Qamişlo
Partiya Sosyalîst a Kurdistan © 2022
