Rêzdar Mustafa Özçelik
Serokê Giştî yê PAKê
Rêzdar Kek Mustafa Özçelik,
Me peyama we ya pîrozbahîyê ya ji ber hilbijartina min wek Serokê Giştî û destnîşankirina Meclisa Partîyê ya nû di Sêyemîn Kongreya PSKê da, bi kêfxweşî wergirt.
Ez li ser navê xwe û Meclisa Partîyê ya nû, spasîyên xwe yên germtrîn li cenabê we û hemî rêvebir û endamên birapartî PAKê dikim.
Em bi bawerîyekê xurt hêvî dikin ku em dê pêşedemê da hewlên me yên ji bo pêkanîna hevkarî û tefaqeke neteweyî bi hêztir bikin û bigîhînin encamê.
Li gel slavên birayane
04.11.2022
Bayram Bozyel
Serokê Giştî yê PSKê
30 sal berê niha, Sekreterê Gişti a Hizba Demokrata Kurdistana Îranê (HDKÎ) Dr. Sadiq Şerefkendî (Dr. Saîd) ligel du hevrêyen xwe Fettah Abdulî û Humayun Erdelan ve, li Berlînê, ji aliyê terorîstên ser bi Rejima Cumhuriyeta İslamiya Îranê ve hate şehîd kirinê.
Herwekî biryara Dadigeha Berlinê jî destnişan kiriye, berpirsê şehîd kirina Dr. Şerefkendî û hevalên wî rejima Cumhuriyeta Îranê ye û terora hersê tekoşerên Kurd ji aliyê dezgeyên fermiya vê rejimê ve hatiye amade kirinê.
Xeyala rejima Îranê ev bû ku bi şehîd kirina serok û rêberên tevgera Kurd li Kurdistana Îranê wekî Simkoyê Şîkak, Qasimlo û Şerefkendî, dikare pêşiya xebata azadixwaziya gelê Kurdistana Rojhilatê bigre.
Lê belê, weki roj eyan e, xebata kadr û pêşmergeyên HDKÎ û hevsengerên şehidan hemu xevn û xeyalên dewleta dagirker a Îranê pûç kirin û nehiştin, ku rejima Cumhuriyeta İranê bigihije armancê xwe yê kirêt û alayê xebatê şehîdan bilind ragirtin û radigrin.
Em carekî dinê teror kirina Dr. Saîd û hevalên wi mehkum, rejima Cumhuriyeta Îslamiya Îranê, ku plangerî vê terorê bû, rûreş dikin.
Em piştrast in, ku hevsenger û şagirdên Dr. Saîd, rêvingên rêbaza Pêşava ku, çend roj berê bi hevgirtinê xwe ve mizginiya serketinê dane, çol nakin.
Carekî dinê li ber hizura Dr. Şerefkendî û hizura hemu şehîdên Kurdistanê qirnoş dibin.
17ê Îlon 2022
PSK-Partiya Sosyalîst a Kurdistan
Partiya Sosyalîst a Kurdistan © 2022
