Heyeta Partîya Sosyalîst
a Kurdistan (PSKê) ku ji Serokê Giştî Bayram Bozyel, Cihgirên Serokê
Giştî Selva Baksi û Celal Yıldız, Endamê
Licneya Rêvebir Serhat Bozhan, Nunerê Hewlêrê Veli Koparan pêktê, roja
15.11.2023 li Pirmamê serdana Politburoya PDKê kir.
Li ser navê PDKê Berpirsê Desteya Kariger ya Politburoya
Partîya Demokrat a Kurdistanê (PDK) Fazil Mirani û Endamên Politburo ya PDKê
Azad Berweri, Heşyar Zebari, Sidad Barzani, Mehmud Mihemed û Endamê Mekteba Siyasî û Berpirsê
Pêwendîyên Giştî Cafer Emînkî pêşwazî li Heyeta PSKê kirin.
Di civînê da Serokê Giştî Bayram Bozyel jibo hevdîtinê
spasîya Polîtburoya PDKê kir û Herêma Kurdistanêjibo hemi Kurdan wek destkeftiyekê
dîrokî û zêrin destnîşan kir. Bozyel di axaftina xwe da li ser rewşa Bakurê
Kurdistanê û Tirkiyê sekinî. Bozyel got, li Tirkiyê amadekirina desturekê nû di
rojevê da ye û divê hemî aliyên Kurd, jibo daxwazên gelê Kurd di desturekê nû
da ci bigirin, daxwazên Kurdan destnişan û zelal bikin û bi vê armancê dest xebatê bikin.
Di hevdîtinê da Berpirsê Desteya Kariger ya Politburoya PDKê
Fazil Miranî î xêrhatina heyeta PSKê kir. Mirani di axaftina xwe da behsa
Herêma Kurdistan, Irak û navçeyê kir. Miranî herwisa eşkere kir ku pêwendiyên navbera PDK û PSKê pêwendiyên
dirokî ne û li ser esasê rêzgirtinê ne. Û ew pêwendî xizmeta gelê kird dikin.
Di hevdîtinê da herdu aliyan hêvî kirin ku civînên bi vê
awayî berdewam bin.
Partiya Sosyalîst a Kurdistan © 2022