Partîya Komunîst û Zehmetkêşan PSKê Ziyaret kirin

Heyetekê ji Başurê Kurdistanê ku ji Sekreterê Giştî yê Partîya Komunîst a Kurdistanê Dr. Kawa Mahmud, Endamê  Politburoya Partîya Zahmetkêşên Kurdistanê Bêkas Kadir û hinek rêvebiran pêkhatibû, roja 06.01.2022an serdana  PSKê kirin.

Li ser navê PSKê Serokê Giştî Bayram Bozyel, rêvebirên navendê û şaxa Diyarbekirê pêşwazîya  heyeta Kurdistana Başur kirin.

Di hevdîtinê da Sekreterê Giştî yê Partîya Komunîst a Kurdistanê Dr Kawa Mahmud û Endamê  Politburoya Partîya Zahmetkêşên Kurdistanê Bêkas Kadir li ser rewşa Herêma Kurdistanê, pêwendiyên Hewlêr û Bexdayê û hewldanên partîyên çep yên derbarê pêkanîna aramî, yekrêzî, îdareyekê yekgirtî û siyasetekê milli li Herêma Kurdistanê bi hurgilî agahî dan û bîrûraya xwe parvekirin.

Di hevdîtinê da Serokê Giştî yê PSK û hevalên xwe behsa rewşa Tirkiyê û Kurdistanê kirin, helwesta PSKê  a derbarê guhertinên li Tirkîyê û pêkanîna  helwestekê netewî heyeta Başurê Kurdistanê agahdar kirin.

Di hevdîtinê da herwisa geşedanên li Rojhelatê Kurdistanê  û Îranê hatin xeberdan û hewcedarîya yekîtîya hêzên Kurd di her parçeyî da hat destnîşan kirin.

Hevdîtina Partîya Komunîst û Zehmetkêşan û a Partîya Sosyalist bi berhemdar derbas bû.

İçerik Başlıkları
En çok Okunan İçerik