Heyeta hevbeş a TDK-TEVGER,
PSK, PAKê, li gundên Tenûr (Tandır) û Serêbenê (Kayabaşı), Kerkut (Boğaziçi),
Tizbî (Yağızlar) ya navçeya Îslahîyeyê ya bi ser bajarê Dîlokê(Entab) ve ye,
alîkarîyên ku xêrxwazê welatperwerê Kurd Hanîfî
Xerzî ji Îsvîçreyê anîbûn, roja
18.02.2023yê li gel Hanîfî Xerzî gîhandin mexdûrên erdhejê.
Heyeta hevbeş a PSK, TDK-TEVGER û PAKê ji Cano Amedî, Rifat
Sefali, M.Alî Yilmaz, Suleyman Pamûkçû pêkhatibû.
Alîkarî bi rêya mamoste Mihemed Bestamî yê ku xelkê wê deverê bû , li 4 gundan li mexdûrên erdhejê hatin belav kirin.
Di nav van alîkarîyan da çadirên zivistanê, tilûmên xewê yên
ji bo zivistanê, betanîye û cil û bergên zivistanê hebûn.
Heyeta hevbeş a
TDK-TEVGER, PSK, PAKê jî, mexdûrên
herçar gundan jî , ji ber ku ji Îsvîçreyê heta vê derê zehmetî kişandîye da ku alîkarîyan bigihîne mexdûran, sipasîya
welatperwerê Kurd Hanîfî Xerzî kirin.
Heyeta hevbeş a PSK, TDK-TEVGER,
PAKê ji alîyekî ve alîkarîyên xêrxwaz Hanîfî
Xerzî li mexdûran belav dikirin, ji alîyekî ve jî seredana Beldeya
Xotayê(Altınüzüm Beldesi) û gundên Tenûr (Tandır), Serêbenê (Kayabaşı), Kerkut
(Boğaziçi), Tizbî (Yağızlar)yê kirinû di derbarê kesên ku di erdhejê da jîyana
xwe ji dest dane û zerarên malî da ji
gundîyan agahadarî werdigirtin.
Li gorî van agahdarîyan, li navçeya Îslahîyeyê gelek avahî
rûxane û nêzîkî 5 hezar kesan jîyana xwe
ji dest dane.
Li Beldeya Xotayê( Beldeya Altinuzum) ji 100î zêdetir
mirovan jîyana xwe ji dest dane, ji 3000 xanî yên heyî ji 40î zêdetir ji wan hilweşîyane, ji 100î zêdetir jî
nikarin bêne bikar anîn.Li Xotayê di erdhejê da, Serokê Berê yê Beledîyeya
Xoytayê Bekîr Dûdû û hevjîna xwe jî
jîyana xwe ji dest dabûn. Bekîr Dûdû bavê nivîskara welatperwera Kurd Vera Koyî
û xezûrê welatperwerê Kurd Omer Ozmen e.
Li gundên Tenûr (Tandır), Serêbenê (Kayabaşı), Kerkut
(Boğaziçi), Tizbî (Yağızlar)yê bi sedan kesan jîyana xwe ji dest dane.
18.02.2023
Partiya Sosyalîst a Kurdistan © 2022