Em hemû şêweyên şer, tund û tujîyê wek prensîb red
dikin
Ji bo aştî û îstiqrara herêmê, berî hertiştî divê wek prensîb meriv li dijî her cure şer û şîdetê derkeve. Bi ceribandinan tê îspatkirin ku şer ne çareseriya pirsgirêkên civakî ye û tundî zêdetir hêrs û tundiyê diafirîne.
Sedemê sereke ya êş, hêsir û qurbaniyên sivîl ên îro li Filistîn, Kurdistanê û li Îsraîlê tê dîtin, nêrîna cotstandard û ji pirsgirêkên heyîre çavgirtine. Ji bo kesên ku li hember qurbaniyên rojane yên sivîl û binpêkirinên mafên mirovan li Herêma Rojavayê Kurdistanê bêdengin û ji bo Filistînê hêsiran dibarînin du rûne, sextekarin û cihê bêbawerîyeye.
Aştî û îstiqrara herêmê ancax bi têgihiştineke exlaqî ya li ser esasê edalet, azadî û wekheviya mafan pêktê.
Di vê çarçoveyê de em weke Partiya Sosyalîst a Kurdistanê bi tundî kuştina 500 kesên kû di encama erêşa muşekan li nexweşxaneya Gazayê de jîyana xwe ji destdan şermezar dikin û ji birîndaran re başbûnekî lezgînî dixwazin.
Me di destpêkê de şerê ku di navbera Hamas û Îsraîlê de dest pê kir, ku gav bi gav veguherî hovîtî û qetlîamên li ser sivîlan, wek PSK li dij derketin û bi tundî red kir.
Divê hemû aktorên navneteweyî yên pêwendîdar, bi taybetî Neteweyên Yekbûyî, ji bo dawîanîna vî şerê ku vegerîya ye hovîtiyê, bi lezgîn bikevin nava tevgerê û dawî li vî şerî bînin.
Dram û çetinayîyên herêmê ne
bi gurkirina agirê şer,bi helwestekî
bi prensîb, hevgirtî û exlaqî
safî dibe.
18.10.2023
Partîya Sosyalîst a Kurdistan
PSK
Partiya Sosyalîst a Kurdistan © 2022
