PSK-Partiya Sosyalîst a Kurdistan

» Gündem
» Basın Açıklamaları

PSK; EM CAREKÎ DİN DUBARE DİKİN, TUND Û TUJÎ ÇARESERÎ NİNE

EM CAREKÎ DİN DUBARE DİKİN, TUND Û TUJÎ ÇARESERÎ NİNE

Piştî erêşa întîxarî ya roja 01.10.2023 a li ber avahîya Wezarata Navxweyîya Tirkiyê pêkhatibû, rewşa sîyasî aloztir bû.

Piştî vî erîşê karbidestên dewletê, xasma wezîrê kar û barê derva Hakan Fîdan peyamên tuj û tolhildanê dan. Li ser van peyaman balafir û dironên şer ên dewleta Tirk erîşên berfireh dest pêkirin.

Li Başurê Kurdistanê û Rojavayê Kurdistanê cîh û bingehên aborî ku xwedêgiravî yên li ser PKK/ YPG ê, bi awayekî tund û bênavber tên bombabarankirin. Van erêşên lêşkerî ne tenê dibin sedemê xesara canî û malî, her weha dibe sedemê xetera derçûna şer di nabeyna dewletên li herêmê de.

Em wek Partîya Sosyalîst a Kurdistan bi salane dikin hawar û gazî; dibêjin pirsgirêkên heyî bi rîya tund û tujîyê nayêne çareserkirin. Rîya tund û tujî birînan kûr, pirsgirêkan meztir dike. Tecrûba sedsalîya Tirkîyê bi wan nemûnan tijeye.

Niha yek reyek maye, ew jî siyasetvan alternatîvê bigre dest, hem desthelat hem jî opozisyon divê bihevre bikevin bin vî barî.

Tişta kû were cibicî kirin, pirsa Kurd di zemînekî sîyasî de bi rê û olaxên sîyasî were çareserkirin.

Di tund û tujîyê de israr kirin çareserî nine, berevacî wê, rewşê aloztir û xiraptir dike. Ev rê tu ne rê ye, divê ji bo çareserîyê rê û imkan verin xweşkirin. Ji ber vê yekê jî, carekî din banga me ji bo PKK ê: şer û erêşên çekdarî divê were rawestandin. Divê were zanîn şer û erêşên çekdarî kêrê hêz û alîyên şoven, hêz û alîyên kû naxwazin pirsa kurd bi rîya sîyasî were halkirin dike, ji wan hêz û alîyan re xizmet dike.

Dewlet jî divê bizanibe; di nav van 50 salên borî de, cîh û war neman kû nehatibe bombebaran kirin. Bi van hewildanan ne pirsa kurd ji holê hat rakirin, ne jî welat ji tund û tujîyê rizgar bû. Berevacî pirsgirêkên welat mezintir û girantir bûn. Ji ber pirsa kurd, Tirkîye hêza xwe, îmkanên xwe, enerjîya xwe di rîya red inkarê de, ji navbirinê de badilhewa bi karanî. Di gelek waran de welat pêşberê astengên aborî , sîyasî û navneteweyî bu.

Niha dem dema, pêgirtina rêyekî bi aqlane ye. Êş û birînên kû sed sale dom dikin û ji bo kû êş û birînên nû li wan zêde nebin divê em hemû bihevre bikevin bin barê mesulîyetê û berpirsîyarîye.

Ev yeka mumkûne û em hemû bihevre dikarin serkevin.

06.10.2023

Partîya Sosyalîst a Kurdistan

PSK

İçerik Başlıkları

Di Hilbijartina 2023 an de

Daxwazên Platforma Zimanê Kurdî

Di Meha Gulan a 2023 an de, dîyar e ku wê hilbijartina Serokomarîyê û Parlamentoyê bi hevdû re li dar bikeve. Ev hilbijartin bi rastî ji bona gelek alîyên civakî û siyasî pir giring û watedar e. Kî li vê heremê wekhevî û demokrasîyê diparêz e û kî jî li dijî van nirxan tevdigere, wê di vê hilbijartinê de baş zelal bibe. Wê hemû hêz, rêxistin û kes, reng û siyaseta xwe di derbara nirxên bingehîn de eşkere bikin. Hemû alîyên siyasî wê pêşniyar û çareseriyên xwe ji bona Bakurê Kurdistanê û Tirkîyê dîyar bikin. An ev siyaseta ku were pêşkêş kirin, wê bi biryardarî alîgirên çareserî, aşîtî, dîyalog, azadî, demokrasî û wekhevîyê be an jî siyaseta ku Komara Tirkîyê ev sed sal in li himberî Gelê Kurd daye meşandin, wê berdewam bike. An wê înkar, asimîlasyon û tune hesibandina Kurdan berdewam bike, an jî wê statûya Gelê Kurd were pejirandin.

Di xebatên hilbijartinê de emê piralî û bi berfirehî pêrgî fikir û pêşniyarên asimîlasyonê, nejadperestîyê, tune hesibandina ziman û nasnama Kurdan jî bibin, lê emê tucaran weke Kurd wan neheqîyan qebûl nekin. Platforma Zimanê Kurdî wê di vê hilbijartinê de doza ziman, hebûn û nasnama Kurdan bike. Di hilbijartina 2023 an de, pirsa sereke ji bona me wê ev be; an wê Kurd mafê ziman û nasnama xwe bi dest bixin û bibin hemwelatiyên azad û wekhev an jî wê aşê pişaftinê, hevdû neqebûl kirinê, bindestîyê, nejatperestî û poz bilindîyê her berdewam bike. Di vê tevgirêdanê de helwesta Platforma Zimanê Kurdî gelekî zelal e; ji bona me ziman û nasnama Kurdî xeta sor e. Bila hemû kes û alîyên siyasî vê rastîyê baş bizanibin; em Kurd in, zimanê me Kurdî ye û welatê me jî Kurdistan e!

Ji sala 2018 an ku Platforma Zimanê Kurdî hatiyê damezrandin û heta niha me eşkere gotiyê; bila zimanê Kurdî bibe zimanê perwerdehîyê û bibe zimanê fermî. Zimanê Dayîka me, weke hemû zimanên ku li dinyayê hene, xwedî nirx e, xwedî rûmet e, xwedî kultur, dîrok û edebîyat e. Zimanê Kurdî taca serê Kurda ye, zimanê me rengê Kurdan dide der. Em Kurd herdem bi hevdû re dibêjin; “Zimanê Kurdî nasnama me ye, zimanê me hebûna me ye”. Belê. Hemû zimanên ku hene hilbet hêja ne, ji ber vê rastîyê jî em dijayetîya tu zimanan nakin. Rêzgirtina me ji hemû zimanên ciranên me re jî heye. Mafê hemû miletan heye ku bi zimanê xwe perwerde bibin, xizmetên fermî bi zimanê xwe bistinin. Ji ber ku mafê ziman mafekî mirovan e, mafekî wekhevî û hemwelatîbûna hemdemî ye jî. Ev maf divê bi biryardarî were parastin.

Platforma Zimanê Kurdî daxwaz dike ku zimanê Kurdî di qanûnên bingehîn de were pejirandin. Zimanê Kurdî ji baxçeyên zarokan, ji dibistanên seretayî, navendî bigirin û heta zanîngehan divê bibe zimanê perwerdehîyê. Zimanê Kurdî divê bibê zimanê jîyan û bazarê, bibe zimanê xizmeta fermî û pêkvejîyanê. Hemû asteng û rêbazên asimîlasyonê ku li himberi ziman û kultura Kurdî hene, divê werin betal kirin. Diwarên ku li himberî zimanê Kurdî hatine hûnandin, divê werin hilweşandin.

Dîsa divê hemû navên ku li gund, bajar, tax û kolanên Kurdistanê hene bibin bi Kurdî. Divê personelên ku li saziyên fermî û şaredarîyên Bakurê Kurdistanê kar bikin zanibin Kurdî bixwînin, binivîsînin û biaxivin. Dîsa, divê xutbe li camîyên welatê me bi Kurdî werin gotin. Ji bona hêsanîkirina hemû wan xwestekan divê Sazîya Zimanê Kurdî fermî were damezrandin û jê re budçe jî were veqetandin.

Em ji partîyên ku beşdarî hilbijartinan dibin dixwazin ku, ew ditînên ku li bajarên Kurdan pêşkêş dikin, wan dîtinana li Rojavayê Tirkîyê ji bi wêrekî bi parêzin. Di çareserkirina mafên Kurdan de siyaseta dirûtî û cot standartîyê bi kêrî tu alîyan naye. Ev helwesta bêrêgez siyasetê weke çalakîyeke civakî, fikrî û felsefî gelekî erzan dike. Ji ber wan sedeman, divê siyaset li gorî prensîb, pîvan û parastina nirxên mirovan û ramanên wekhevîyê birêve biçe.

Di hilbijartina li welatê me de divê namzetên parlamento û şaredarîyan bi Kurdî zanibin. Di her qada jîyanê de divê zimanê Kurdî dîtbar bibe. Zimanê Kurdî (Kurmancî, Zazakî) divê bibê pîvaneke hevbeş ji bona hemû namzetên ku wê li welatê me beşdarî hilbijartinan bibin.

Di xebatên hilbijartînê de divê zimanê Kurdî di hemû cûre çalakîyan de baş dîtbar bibe. Em dixwazin ku hemû namzetên Kurdan bi Kurdî biaxivin, gotûbêjan bikin, beşdarî civîn, konferans û panelan bibin, bi Kurdî sloganan biqîrin û bi hevre bibêjin; “Bê ziman jîyan nabe, jîyan jî bi Kurdî xweş e”!

PLATFORMA ZIMANÊ KURDÎ

Amed. 06 04 2023.

İçerik Başlıkları

En çok Okunan İçerik

Yorum Yaz