PSK-Partiya Sosyalîst a Kurdistan

Em Qurbaniyên Qirkirina Ermeniyan Bi Rêzdarî Bi Bîr Tînin

Ji ser Medz Yeghern (Qirkirina Ermeniyan) 111 sal derbas bûn.

Wek tê zanîn ev karesat di 24ê Nîsana 1915an de bi sirgûnkirin û kuştina 250 rewşenbîr û siyasetmedarên Ermenî dest pê kir û bû sedema qirkirina zêdetirî milyonek Ermenî, ku ji hêla Rêxistina Ittihat û Terakiyê ve hate organîzekirin.

Medz Yeghern, encamek siyaseta Komîteya Ittihat û Terakiyê ya Îslamkirina Anatoliyê,ne tenê paqijkirina etnîkî dihewîne, lê di heman demê de bû sedema veguhestina milk û wêrankirina hebûnên çandî jî.

Ev siyaset ji hêla hikûmetên Kemalîst ve jî hate domandin, armanc ew bûn ku her kesê ku li Tirkiyeyê dijîn, bike Tirk û Misilman.

Tevî ku zêdetirî sedsalek derbas bûye jî, dewlet sûcên li dijî mirovahiyê yên ku li dijî Ermeniyan pêk anîye înkar dike; ew hê jî tavanên xwe yên mirovî inkar dike, nexwaze bi tavenên xwe rûbirû be.

Di vê salvegera 111emîn de, em careke din Qirkirina Ermeniyan şermezar dikin û qurbaniyên wê bi rêzdarî bi bîr tînin.

Divê dewleta Tirk sûcên xwe yên li dijî mirovahiyê yên ku li dijî Ermeniyan, Kurdan, Yewnaniyan û Cihûyan kirine rûbirû bibe û lêborînê bixwaze.

24ê Nîsana 2026an

PSK-Partiya Sosyalîst a Kurdistan

Ofîsa Çapemeniyê

İçerik Başlıkları

En çok Okunan İçerik

Yorum Yaz