Em Bi Tûndî Şermezar Dikin
Em bi baldarî û matmayî li bahoza ku ji hêla derdorên şovenîst û nijadperest ên Tirk ve piştî beşdarbûna Birêz Mesûd Barzani, Serokê berê yê Hikûmeta Herêma Kurdistanê û Serokê PDK, di Sîmpozyuma Melayê Cizirî de ku di 28-29ê Mijdara 2025an de li Cîzrê hat lidarxistin, hatiye çêkirin, temaşe dikin.
Melayê Cizirî yek ji kesayetên herî bi hêza di mîrateya çandî ya hevpar a gelê Kurd e. Bîranîn û hembêzkirina wê kesayetiya mezin mafekî xwezayî ya hemû gelên Kurdistanê ye. Serdana Birêz Barzanî ya Cîzîrê yek ji mafên wî yên herî rewa û xwezayî ye.
Lêbelê, hedefgirtina vê serdanê ji hêla hin komên şovenîst, nijadperest û dijî-kurd yên li Tirkiyeyê, ne tenê nîşaneya bêtehamuliya çandî ye, lê di heman demê de nîşaneya dijminatiya kûr a li dijî gelê Kurd e jî.
Ew hêrsa ku ji ber xuyabûna hêzên Pêşmerge di nav hêzên ewlehiyê yên Barzaniyê de derket holê, bi taybetî jî hinceta bûyerê, bi awayekî zelal nîşan da ku tehemûli hêzên ewlehiyê yên rewa yên gelê Kurd jî nayê kirin û li dora vê yekê kampanyayeke sîstematîk a heqaret, nijadperestî û propagandaya dijî-kurd hatiye avakirin.
Lêbelê, serdana Cîzîrê ya Birêz Barzaniyê û tîma wî ya ewlehiyê di çarçoveya saziyên peywendîdar ên dewleta Tirk û pratîkên dîplomatîk de pêkhat.
Êrîşên bêşerm û hovane yên li dijî Birêz Mesûd Barzanî, êrîşeke sîstematîk li ser nasname, çand û hebûna wî ne û nayên qebûlkirin.
Wekî Partiya Sosyalîst a Kurdistanê, em bi awayekî zelal dibêjin:
* Zîhniyeta ku ji ber hebûna Pêşmergeyan têk diçe, nikare tehemûlê mafên herî bingehîn ên gelê Kurd jî bike.
* Zîhniyeta nijadperest ku heta kombûneke çandî ya sade jî wekî "xeter" nîşan dide, çavkaniya rastîn a pirsgirêkên vî welatî ye.
Em atmosfera nefretê ya ku ji nû ve li dijê gelê Kurd de tê pêkanîn red dikin. Em tekez dikin ku divê her kesê ku li demokrasiyê û aştiyê digere, li dijî vê retorîka êrîşkar û dijî-kurd helwesteke zelal bigire.
Em wek erkê xwe dibînin ku dengê xwe li dijî kesên ku dixwazin dostaniyê û saziyên rewa yên gelê Kurd krîmînalîze bikin bilind bikin.
04.12.2025
Partiya Sosyalîst a Kurdistan-PSK
Ofîsa Çapemeniyê
Daxuyaniya Foruma Çep a Kurdistanê
Li Hember Enfal a li dijî Hebûna Gelê Kurd Bêdeng Nemînin
Kürd Varlığına Yönelik Yeni Enfallere Sessiz Kalmayalım
BASINA VE KAMUOYUNA
JI BO ÇAPEMENIYÊ Û RAYA GIŞTÎ
Em Bi Piştgirîyekê Temam Ligel Têkoşîna Gelên Îranê Ya Ji Bo Azadiyê ne
İran Halklarının Zulme Karşı Özgürlük Mücadelesine Tam Destek Veriyoruz
Gelê Me Êrîşa Li Ser Ala Kurdistanê Li Îzmîrê Pûç Kir
Halkımız İzmir’de Kürdistan Bayrağına Yapılan Saldırıyı Boşa Çıkardı
Maraş’ın Yarası Kanamaya Devam Ediyor! Partiya Sosyalîst a Kurdistan © 2022