PSK-Partiya Sosyalîst a Kurdistan

» Gündem
» Basın Açıklamaları

Roja Ala Rengin Pîroz Be!

Hemû gel xwedî al û sembolên neteweyî ne. Ala rengîn jî ala me ye ku bi rengên kesk, sor, spî û rojê tê nasîn û ji bo me gelekî pîroz e.

Ev al yekem car di sala 1920’î de hate pejirandin û di dema Şoreşa Agirî (1927–1929) û Komara Kurdistanê ya 1946’an de hate bilindkirin. Pêşewa Qazî Mihemed wê dîyarî Melle Mistefa Barzanî kir da ku rojekê li hemû Kurdistanê bibe ala neteweyî.

Di sala 1999’an de Parlamentoya Herêma Kurdistanê 17’ê Kanûna Yekem wekî Roja Ala Kurdistanê bi fermî qebûl kir. Ji wê rojê ve her sal ev roj li hemû beşên Kurdistanê bi coş û şanazî tê pîrozkirin.

Roja 17ê Kanuna Yekem ji bo gelê me, di du warên di da jî girîn e. roja 17ê Kanuna Yekem her usa Roja Pêşmerge yê Kurdistan û Roja Cil û Bergê Kurdî ye. Eve hersê boneyên girîng wateya 17ê Kanuna Yekemê bi bandortir dikin.

Îro jî gelê me di bin vê ala pîroz de ji bo azadî û serwerîya Kurdistanê têkoşîna xwe didomîne.

Em bang li hemû xwişk û birayên xwe yên Kurd dikin:

• Îro ji her demî pirtir xwedî li Ala Rengîn derkevin û biparêzin. Ji ber ku di van dawiyê da bi taybeti li Kurdistana Bakur êrişekê tund heye bo ser nirxên netewî û daxwazên me yên siyasî.

• Vê rojê de bejn û bala xwe bi cil û bergê Kurdî bixemlînin.

• Stran û destanên Pêşmergê Kurdistan bixwinin û bilorînin.

• 17’ê Kanûnê li ser hemû torên medya civakî wêneyên ala me parve bikin û pîroz bikin.

Em Kurd in.

Kurdî zimanê me ye.

Kurdistan welatê me ye.

Ala Rengîn ala me ye.

Bijî Roja Pêşmergê Kurdistan.

Bijî Ala Kurdistanê!

Bijî têkoşîna gelê Kurd!

17.12.2025

PSK – Partiya Sosyalîst a Kurdistan