PSK-Partiya Sosyalîst a Kurdistan

» Gündem
» Basın Açıklamaları

15ê Gulanê Roja Zimanê Kurdî Pîroz Be

Îro,15ê Gulanê, Roja Zimanê Kurdî ye.

15ê Gulanê roja destpêka weşana Kovara Hawarê ye. Kovara Hawarê di dîrokan Kurdan de cîhekî taybet digire. Hawar; kovara yekemîn ya bi Kurdîya bi tîpên Latînî ye û bûye destpêka pêşveçûna zimanê Kurdî.

Kovara Hawarê 15'ê meha Gulanê di sala 1932'yan ji alîyê Celadet Elî Bedirxan li Sûrîyê li bajarê Şamê hatîbû weşandin.

Zimanê Kurdî ji bingehên esasî yê nasname, çand û têkoşîna hebûna gelê Kurd e. Ev roj ne tenê rojeke bîranînê ye, lê di heman demê de bîranîneke têkoşîna ji bo zimanê Kurdî ye ku zindî bimîne, pêş bikeve û di her aliyê jiyana civakî de cihê xwe bigire.

Zimanê Kurdî, ku xwedî dîrok, wêjeya dewlemend û çanda devkî ya gelê Kurd a bi hezaran salan e, bi salan e rastî polîtîkayên înkar, asîmîlasyon û qedexekirinê hatiye.

Zimanê Kurdî hîn jî di saziyên dewletê, perwerdehiyê, dadgehan û xizmetên giştî de qedexe ye an jî rastî sînordarkirinên tund û tujî tê.

Li gel vê yekê jî, gelê me hebûna xwe didomîne, bi zimanê xwe diaxive, dinivîse û berxwe dide. Îro, roman, helbest, rojname, şano, stran û fîlmên Kurdî digihîjin gelê me û şahidiyek bihêz pêşkêş dikin ku ev ziman zindî ye. Ev hewldan ji îradeyek takekesî bêtir e, ew beşek ji têkoşînek kolektîf a ji bo hebûnê ye.

Divê em ji bo ku zimanê Kurdî wekî zimanê fermî were naskirin, zimanê Kurdî ji bo ku bibe zimanê perwerdehiyê û di hemû waran de bi azadî were bikaranîn tekoşînê xurt bikin.