PSK-Partiya Sosyalîst a Kurdistan

Sedemê qeyrana aboriyê siyasî ye, derheqê pirsa Kurd da halwesta tundûtiji û inkarê ye

JI RAYA GIŞTÎ YA KURDISTANÊ RE

Pêvajoya yasayî ya Yekîtiya Komelên Kurdistanê KOMKAR bi dawî bû.

Lê mixabin divê em bêjin, di vê pêvajoyê de hewldanên serokê berê Rohat Geran, ku berî sala 2016’an ji Serokatiya Giştî ya Komkarê îstifa kiribû lê piştre wî û koma Berlînê bi hev re gelek hewldanên neyînî kirin û bi van hewldanan hiştin ku 6 salan kar û xebatên KOMKAR ê bêne rawestandin. Daxwazya wana ew bû ku li ser maseya komeleyan xwe rewa bikin. Lê pistî pêvajoya 6 salan,dawî de Dadgehê daxwazê wana red kir û weke rêvebir ne hatin pejirandin .

Herwiha wan bi îdîayên ne rast û îftirane hewl didan ku li ser raya giştî ya Kurd têgihiştinek neyênî çêbibe, lê di dawî de bi ser neketin û li ber edaletê serî tewandin.

KOMKAR, bi rêvebirîya xwe ya nû, ku ji alîyê dadgehê ve bi fermî hate pejirandin, wê ji îro pê de dîsa weke dema berê kar û xebatên xwe bi biryar û ferasetê bidomîne.

KOMKAR, bi gelek zehmetîyan heta îro hatiye, li hemberî gelek êrîşan li ber xwe daye, her cûre hewldanên reşkirin û tohmetên nerast pûç kiriye. Dost û dijmin wê bibin şahidê vê rastiyê,ku ji îro pê de KOMKAR wê bi heman hişmendî û têgihiştinê rêya xwe bidomîne.

Herwiha Rêveberiya me a giştî û tevahiya Desteya Rêvebir a Navendî, ku ji sedî heftê ji jinan pêk tê, ji bo rêxistinên sivîl yên Ewropayê mînakek yekem e.

Em bang li hemû |Kurdên dilsoz û welatperwer dikin ku di vê pêvajoya nû de pişt bidin kar û xebatên Komkarê.

Herwiha em bang li hemû kedkar û alîgirên Komkar dikin ku dîsa di nav kar û xebatê de cihê xwe bigrin û xwedî li keda xwe derkevin.

Bijî têkoşîna me ya rêxistinî!

Bijî KOMKAR!

Yekîtiya Komelên Kurdistanê, KOMKAR- Almanya

9ê Adarê, 2023

Bo Çapemenî û Bîrûrayê Giştî

Sedemê qeyrana aboriyê siyasî ye, derheqê pirsa Kurd da halwesta tundûtiji û inkarê ye

Li Tirkiyê, qeyrana aboriyê, ku di wan salên dawi da kûrtir dibû, gihişte asta herî bilind. Hikumeta AKPê, ku di encama hilbijartina 14 û 28ê Gulanê deshilatdariya xwe parastiye û êdî tirsa wi ji hilbijartinê nemayê, bona ku sistema aboriyê berdewam be bahaya tişt û miştên serekî û kareba û sotanmenî zêdetir kir. Ligel vê yekê zêde kirina heqdestî yên karkêr û karmendan anagorî bihabûnê gelek kêm e û maaşa xanenişina wekî xwe maye, zêde nebûye. Li hember bahatî û avsanîdirav (enflasyon), ku roj bi roj zêde dibin, teqeta kirinê yên gel û zahmetkêşan kêmtir bûye, dikarin bêjin nemaya.

Qeyrana aboriyê, bilindtir bûna bahayên tişt û mişt û avsanîdirav, bona piraniya civakê êş û azar e, rêgir e li pêşiya jiyaneka mirovî. Îro li Tirkiyê sedî da 64’e hejmunê Tirkiyê di bin tixiba birçitî, bêtiri sedî da 30ê jî di bin tixuba hêjarî û nedariyê da dijin. Ev yêka hanê ji bûye rêgir li pêşiya jiyanê bi keramet û mirovî li Tirkiyê. Bona her civakekê ji hejarî û birçitiyê metirsiyeka kerametşikên nine, hêvi bi duweroj namine, rêjeya xwe kuştin bilind dibe, şareza û pispor berê xwe didine derwayê û rê li ber pûçbûna civakî vêdibe.

Sedema herifandina aboriya hanê siyaseta deshilata siyasî ye. Bi gotinê dinê, li Tirkiyê sedema qeyrana aboriyê siyasî ye, derheqa pirsa Kurd da halwest û siyaseta tundûtiji û inkar û şerfiroşiya hikumet e. Hikumeta Erdoxan, serçaveyên aoariyê, şuna ku bona baştir kirina rewşa aboriya gel, bona perwerde û tenduristiyê bi kar binê, dide çek û teqemenî, bona şer û siyaseta dagirkeriyê bi kar tine, ku ev yêka hanê jî buye sedema herifandina aboriyê. Serçaveyên mayî yên Tirkiyê bo mistek dewlemendên, ku aligirê AKPê ne, hatine pêşkêş kirinê û bona propagandaya destihatê hatine xerç kirinê.

Rewş û diyardeyên hanê nişan dide, ku ne tenê qeyrana aboriyê çareser nabe, her usa kûrtir dibe. Herifandina aborî û siyasî û axlaka civakî berdewam dibe.

Ji aliyê dî ve, Serokkomar Erdoxan bona, ku qeyrana aboriyê were çareser kirinê, li derwayê Tirkiyê dest bi geranê dirav û serçaveyên malî kiriye. Bona ku alikarî ji cihana Rojava verbigre, endametiya Tirkiye a Yekitiya Ewropa aniye rojevê. Lê belê hewlê hanê nikare bibe dermanê derdan. Pirsgirêk li navxewiya Tirkiyê ye û pir kûr e. Heya ku derheqa pirsa Kurd da dev jê siyaseta tundûtijiyê neyê berdan, heya ku di warê demokrasiyê da gavên micîd û bawerpêkirî neyê avêtin, nikarin ji vê binbestê derkevin. Sedema xitimandina pêvojoya Yekitiya Ewropa hikumet bi xwe ye û yên ku bona endametiya Yekitiya Ewropa gavên nû bavêje, disa hikumet bi xwe ye.

Ji aliyê dî ve Partiya me giringî dide gengeşi û çalaki û konferansan ku derheqa sedsaliya Peymana Lozanê têne çêkirinê. Peymana Lozanê ne tenê bûye sedama dabêş bûna Kurdistanê her usa heya niha li ser çarenusî ya gelê me da kariger bûye û tova şer û pevçûn û dijminatiyê li rojhilata Navin da çandiye.

Bona ku gelê me azad be, bona ku li navçeyê rê li ber aşitî û demokrasiyê vebe, divê statukoyê, ku Peymana Lozan destnişan kiriye, were guhartinê û sistemeka nû were ava kirinê.

Bona vê yêkê li Tirkiyê, berê her tiştê desturek, ku hebûna gelê Kurd nasbike, destureka pirrengî û pirdengî û demokratik û federatif were amade kirinê

Bê guman, hingê aborî bi lez û bez pêşve diçe, arami di civatê da cigîr, asta jiyanê bilind dibe, rê li ber endametiya YE vedibe.

Partiya Sosyalîst a Kurdistan, bona, ku gelê me di sedsaliya dehatu da bighije azadiya xwe, proseya aşitî û demokrasi li navçeyê geş bibe, erkê xwe bi berpirsayariya netewi û dirokî û pêgiri ci be ci bike.

19 Tîrmeh 2023

Partiya Sosyalist a Kurdistan

(PSK)

Desteya Kargerî a Navendî

İçerik Başlıkları

En çok Okunan İçerik

Yorum Yaz