Gundê Mezre (Çilesiz) Pêşvaziya Mêrxasê Xwe Kir
Mêrxasê Gûndê Mezrê, şoreşger û welatparêzê gûnd di salên 1970 de, di dema xortanîya xwe de
wek hezaran kurdê azadîxwaz, ji bo welatekî azad û gelekî xwedî maf û serbilind
li dijî zordarîyê ket nav tevgera azadiya Kurdistanê.
Piştî derba faşîst a leşkerî ya sala 1980yî ew jî ket ber pelamara
rejîma Kenan Evren. Çendin car hat girtin, eziyet û işkencan dit. Ne tenê ew,
ji ber helwesta wî, malbata wî, zarokên wî jî ji vê zilmê beşa xwe girtin. Di
encam da Mêrxasê Gûndê Mezrê neçar ma xwe avet bin xetê, ango Rojavayê
Kurdistanê.
Ew Mêrxasê ku em bahs dikin; Ismet Yildiz, bi navekî din Bavê Yilmaz e.
Bavê Yilmaz ( Îsmet) li bin xetê jî hem tekoşîna xwe ya şoreşgerî berdewam
dike, him jî ji bo debara aborîya malbata xwe li înşatan da kar dike. 6-7 sal
li bin xetê zehmetîyên madî û manevî dikişine.
İsmet Yıldız di sala 1986an da tevî malbata xwe, xwe digihîne welatê
Danimarka. Zêdetir 10 sal li Danîmarka dimine. Di ve dema jiyana wî ya li
Danimarka de bi tevayîya malbata xwe di nav refê Partîya Sosyalîst a Kurdistan
PSKê û nav xebatên KOMKARê de bi awayekî aktif cîh digre.
Dure Ismet Yıldız ji ber sedemên teybet Li Almanya niştecîh dibe. Kar û
xebata xwe ya siyasî li Almanya jî, wek li Danimarka dimeşandin di nav refê PSK
ê û Komkarê de, heta dawîya jîyana xwe berdewam kir.
Tenduristîya İsmet Yıldız di van salên dawî de ber bi nebaşîyê ve diçû.
Çawan li hember dijminê xwe, li ber zor û zehmetîyên jîyanê berxwe dida, li
hember nexweşîyên ku lê peyda bûbû jî berxwe da.
Lê bi daxê Roja 05.05.2026 bedena wî mêrxasî têra berxwedanê nekir û ji
jîyanê xatir xwest.
Di nav me Kurdan de tê gotin, ku “xebera rêş zû belav dibe.” Xebera koça
dawî a Bavê Yilmaz jî zû belav bû. Nas û dostên wî, heval û hogirên wî ji xatir
xwastin çûna şina wî.
Li Alman sê roj li Mala Êzîdîyan de şîna wî bi rêve çû. Li ser wesîyeta wî roja
9ê Gûlana 2026 ji Almanya, piştî 46
salan bo Gûndê Mezrê hat rêwî kirin. Hevalên wî kû qet jîyana xwe de wî
neditibûn, ji Amedê, Merdînê, beytulşebabê li balafirgeha Merdînê pêşwazîya wî
û zarokên wî yên kû pêre hatibûn kirin.
Di nav heyeta pêzwazîyê de, Serokê PSKê a şaxa Mêrdinê, Serokê şaxa Amedê,
Serokê Giştîyê berê a PSK, Cîhgirê Serokê Giştî û Endamên PSKê heta Gûndê Mezrê bi Hevalê xwe ismet û
zarokên wî re, rêwîtî kirin.
Li ser wesîyeta wî û hesreta wî a 46
salan Ambulansê wî cara paşin li nav gundê wî gerand û derbasê goristanê bûn.
Bi sedan nas û dostê wî, heval û hogirên wî li ser goristanê benda wî bûn û li
nav goristanê pêşwaziya wî kirin.
Bo mêrxasê gûnd, li gor adet û kevneşopîya Ola Êzîdî merasim hat li
darxistin û piştî merasima Ola Êzîdîtî bi axa pîroz hat spartin.
Divê merasimê de li ser navê Serokê Giştîyê PSK Bayram Bozyel (ku ji ber
karekî teybet nikarî bû beşdarê marasimê bibe) Cihgirê Serokê Gişî Serhad Amedî
Axaftinek kir.
Amedî axaftina xwe de, ji ber koça dawîya Îsmet Yıldız xemgînîya xwe û
Partîya xwe anî ziman, ji malbatê re, sebir û sersaxîyê xwest, herweha behsa
mêrxasî û tekoşîna hevalê xwe Îsmet kir.
Serhad Amedî berdewamîya axaftina de, carekî din sozda ku “doza Îsmet û
armanca ku wî dixwest bi cîh bîne, ewê wek Partîya wî li ser rîya wî berdewam
bin” dawî anî.
Belê Kekê Îsmet piştî 46 salan
vegerîya axa pîroz a Kurdistanê, Gûndê Mezrê. Ew li wir wê di nav aramî de
razê. Em heval û hogirên wî ji bo pêkanîna armancên wî tekoşînê bidomînin.
Cîhê kek Îsmet bihişta rengîn be.
Gundê Mezre (Çilesiz) Pêşvaziya Mêrxasê Xwe Kir
Mezrê Köyü (Çilesiz) Sadık Evladını Bağrına Bastı
Bayram Bozyel; Kürt Karşıtı Nizam Krizde, Eskisi Gibi Yönetemiyorlar Partiya Sosyalîst a Kurdistan © 2022