Komîsyona HewladanYekîtiya Neteweyî ya Kurdistanê, ku di 14ê Adara 2020an de li Dîyarbekirê hat damezrandin, konferansa xwe ya 4emîn di 27ê Hezîrana 2020an de li Wanê li dar xist. Piştî konferansên berê yên li Qoser, Îzmîr û Rihayê, konferansa li Wanê bi beşdariyeke mezin birêveçû. Kesayetên welatparêz ên bi nêrînên cihêreng ji Mûş, Çewlik, Bedlîs û Colemêrgê beşdarî konferansê bûn. Konferans, ku ji hêla Sabahattin Acar, Tayyip Kızılyıldız, Sedat Doğan û yên din ve hat birêvebirin, bi deqeyek bêdengiyê ji bo bîranîna şehîdên Kurdistanê dest pê kir.
Di beşa yekem a konferansê de, li ser navê partî, grup û
kesên ku pêkhatê Komîsyona Hewldana Yekîtiya Neteweyî ya Kurdistanê ne axaftin
hatin kirin. Bayram Bozyel, Serokê Giştî yê Partiya Sosyalîst a Kurdistanê
(PSK), Ali Öncü li ser navê kesayetên serbixwe, Köroğlu Karaaslan li ser navê
PÊLKURD, Mustafa Deniz li ser navê Vejin û Mustafa Özçelik li ser navê Partiya
Welatparêz a Kurdistanê (PWK) axiv’in û girîngiya dîrokî ya yekîtiya neteweyî,
çarçove û modela fikrî ya yekîtiya neteweyî anîn ziman, û civîn û hevdîtinên ku
heta niha di çarçoveya hewldanên yekîtiyê de hatine kirin, şîrove kirin.
Piştî navbereke 15 deqîqeyî, di beşa duyemîn a konferansê
de, beşdar axaftin kirin û nerîn û pêşniyarên xwe li ser hewldanên yekîtiyê yên
berdewam anîn ziman. Ziya Avcı, İbrahim Güçlü, Bedihan Epözdemir, Mehmet
Baydar, Abdurrahim Gümüştekin, Mele Kerem, nûnerên rêxistinên pîşeyî yên
cûrbecûr, rewşenbîr, nivîskar û siyasetmedaran, girîngiya hewldanên ji bo
tevlêkirina hemî beşên civakê di xebatên yekîtiyê yên hatine destpêkirin de
tekez kirin.
Di dawiya civînê de, Serokê Giştî yê PSK Bayram Bozyel,
Serokê Giştî yê PWK Mustafa Özçelik û Ali Öncü, ku ji bo bersiva pirsên
beşdaran axivîn, diyar kirin ku ew pêşniyarên beşdaran girîng dibînin û
amadebûna xwe nîşan dan ku bi hemî komên Kurd ên ku hebûna neteweya Kurd qebûl
dikin û piştgirî didin gelê Kurd ku li Kurdistanê xwe bi xwe birêve dibe re
hevdîtin bikin.
Konferansa Yekîtîyê ya li Wanê ji hêla çapemeniya herêmî ve
bi baldarî hate şopandin.
27ê Hezîrana 2026an
Komîsyona Çapemeniyê
ya
Partîya Sosyalîst a
Kurdistan
(PSK)
KONFERANSA KOMÎSYONA HEWLDANA YEKÎTIYA NETEWEYÎ YA KURDISTANÊ LI WANÊ HAT LI DAR XISTIN
VAN’DA KÜRDİSTAN ULUSAL BİRLİK GİRİŞİMİ KOMİSYONU KONFERANSI GERÇEKLEŞTİ
Komisyona Hewldana Yekîtiya Neteweyî a Kurdistanê Derket Hemberê Welatparêzên Rihayê
LI ÎZMÎRÊ KONFERANSA YEKÎTÎYA NETEWEYÎ HAT LI DARXISTIN
Kürdistan Sosyalist Partisi Yurt Dışı Örgütü Kongresini Başarıyla Tamamladı
Komisyona Hewldana Konferansa Yekîtiya Netewî ya kurdistanê li Qasarê Komxebat Pêkanî
Eyup Alacabey Bi Axê Hat Spartın
DEM Parti Heyeti PSK Urfa İl Ögütünü Ziyaret Etti
Gundê Mezre (Çilesiz) Pêşvaziya Mêrxasê Xwe Kir
Mezrê Köyü (Çilesiz) Sadık Evladını Bağrına Bastı Partiya Sosyalîst a Kurdistan © 2022